/ Aktualitatea / Turismo /
Saio Irekia jardunaldien esparruan, euskarri berri bat sortu da: koaderno digitala.
Museo-praktika kritikoa eta soziala garatzeko aukera berriak proposatzen eta partekatzen dituen gogoeta gunea da.
Aurkezten dizugun sailaren lehen aleak, K6 Gestión Culturalek eta Museum Cemento Rezolak Ondarebizia proiektuaren barnean sustatutako “Gorputzik gabeko museoa” izeneko jardunaldien azken edizioa, 2020ko irailean ospatu zena, laguntzen eta osatzen du.
Aurreko edizioan, Covid19 pandemiak markatutako giro zalantzagarri eta aldakorrean, museoaren harreman eta posizionamendu modu berriei buruz eztabaidatu eta hausnartu genuen.
Jardunaldietan jorratutako ildoei jarraituz, sei testu biltzen ditu koaderno honek, museoen jardunari buruzko ikuspegi desberdinak planteatzen dituztenak, dimentsio digitalak pultsua hartu duen testuinguru batean.
