Hazilan programa

#Enplegua

20 eta 44 urte arteko gazte kualifikatuen lan aukerak sustatzeko programa

/ Proiektuak / Empleo / Hazilan programa

Proiektu hau aktibo dago

Goi-mailako formazioa izanda, lan egoera hobea lortu nahi duzu?

Prestakuntza duten gazteak lan-merkatuan sartzeko programa da Hazilan. Konpetentziak sozioprofesionalak hobetzeko hiru esparrutan lan egiten da, modu jarraian.

Ahalduntzea

Formazioa konpetentziak garatzeko: autonomia, motibazioa, komunikazioa, talde-lana, gatazken kudeaketa, plangintza...

Lan-aktibazioa

Automarketina, ekintza plana, lan-elkarrizketetarako prestakuntza… Formazioa enplegu bilaketan aritzeko.

Lan esperientzia

Lanpostuari lotutako esperientzia eskuratzeko eskualdeko enpresetan praktikaldia egiten da.

Norentzat da Hazilan?

Lanik gabe dauden gazteentzat

Ikasketekin bat datorren lanpostu baten bila dabiltzan gazteentzat

Lanean egonda, lan egoera hobetu nahi duten gazteentzat

Aukeratu zure interesetara gehien egokitzen zaizun programa

2022 urtea amaitu bitarte, edizio hirukoitza izango da.

Hazilan Kokatu

Banakako eta taldekako mentorizazioa, eta praktikak eskualdeko enpresetan

Programa ikusi

Hazilan Express

Garapen pertsonalerako edo proiektu pertsonalen garapenerako laguntza pertsonalizatua

Programa ikusi

Hazilan Ekin

Trebatu enpresa bat martxan jartzeko behar duzun horretan.

Programa ikusi

Hazilan Kokatu

Banakako eta taldekako mentorizazioa, eta praktikak eskualdeko enpresetan

Urria-Abendua

Orain arteko ohiko formatua izango da, bi fasetan banatuta: prestakuntza-fasean, alor fisiko, kognitibo eta emozionalak landuko dira taldeka nahiz banaka. Gero, eskualdeko enpresetan praktikak egiteko aukera eskainiko da, ikasketekin lotutako lanpostuetan.

Programaren bi faseak

1. fasea

Formazio teoriko-praktikoa

2. fasea

Praktikak enpresetan

Formazio teoriko-praktikoa

Alor fisikoa, kognitiboa eta emozionala
lantzeko 80 orduko prestakuntza fasea.

Urriaren 10tik 28ra
Astelehentik ostiralera, 08:00 - 14:00 | Lehiberri Zentroa

Aldaketetara egokitzeko, gatazkak eta emozioak kudeatzeko, presiopean lan egiteko edo taldean lan egiteko gaitasuna duten profilak eskatzen dituzte enpresek, eta konpetentzia horiek garatzea da helburua. Hiru modutara egiten da.

Prestakuntza teoriko-praktikoa

50 orduko formazioa, banaka eta taldeka, konpetentzia pertsonalak eta profesionalak garatzeko.

Konpetentzia pertsonal eta emozionalak
Autodiagnosia egingo da, norberaren baliabideak identifikatzeko. Landuko diren konpetentziak: Proaktibitatea, autonomia, automotibazioa, autoerakuntzukizuna, izaera kritikoa, frustaziorako tolerantzia, espektatiben kudeaketa...
Lanbide-konpetentziak
Lan-munduak eskatzen dituen gaitasunak landuko dira: komunikazioa, presentzia, talde-lana, lankidetza, gizarte-trebetasunak, lidergo partekatua, gatazken kudeaketa, erabakiak hartzea, plangintza...
Merkatuan kokatzeko konpetentziak
Lana bilatzeko prozesua abiatzeko egin beharrekoak jorratuko dira: helburuak zehaztea, baliabideak identifikatzea, merkatura bideratzea, ekintza-plana egitea, elkarrizketetan eta automarketinean trebatzea...

Autokudeatutako gune eta taldeak

Prestakuntza teorikoa indartzeko gune fisiko bat da, parte hartzaileei lankidetzan enpleguari buruz jakintza gehiago eskuratzeko aukera emango diena. Bideratzaile edo coach baten laguntza izango dute. Talde bakoitzak 30 ordu inguruko iraupena izango du.

Banakako eta taldekako jarraipena

5 orduko jarraipena egingo zaio pertsona bakoitzari, hiru zatitan:

Hasieran, helburuaren definizioa lantzeko
Prozesuaren erdian, bilakaera aztertzeko
Amaieran, helburuen betetze-maila balioesteko eta laguntza handiagoa behar duten pertsonen alderdiak indartzeko.

Praktikak enpresetan

Tolosaldeko enpresetan praktikak,
norbere profilaren arabera.

Azarotik aurrera, 200 orduko praktikaldia lotuko dugu Tolosaldeko enpresaren batean. Esperientzia erreala eskuratzeko eta lan-merkatuan txertatzeko aukera ematen du. Hiru urrats izango dira.

Lanpostua zehaztu
Zeregin edo proiektu berriak garatzeko pertsonak behar dituzten enpresak identifikatu ondoren, betekizun teknikoak eta jarrera-betekizunak zehaztuko ditugu enpresarekin batera.
Parte-hartzailea egokitu
Enpresak eskatzen duen profila ezagutu ondoren, lanpostu horretarako pertsonarik egokienak identifikatuko dira Aktibatu fasean dauden pertsonen artean.
Enpresako tutorea izendatu
Praktikak egingo dituen gaztearen lan eta zereginak zuzenduko ditu eta laguntza emango dio, eta enpresaren bizitzan txertatuko du pertsona (harrera eta aurkezpena taldeen aurrean, enpresaren jardueren azalpena, bileretan parte-hartzeko aukera…).

Hazilan Express

Garapen pertsonalerako edo proiektu pertsonalen garapenerako laguntza pertsonalizatua

Urria-Abendua

Banakako jarraipena eta mentorizazioa egingo da, parte-hartzaile bakoitzaren behar eta helburuetara egokituz. Banakako saioak egingo ditugu, nahi den hori lortzeko.

Zein motatako laguntza emango da, edo zein kasutan? Adibide batzuk:

Enpresan proiektu bat aurkeztu behar dutenentzat
Lanik gabe egonik, hazkunde pertsonala nahi dutenentzat
Lanez aldatu nahi baina nora jo ez dakitenentzat
Guraso izan ondoren, ibilbide profesionalari nola berrekin ez dakitenentzat
Bere ikasketa arloko lanei berriz heldu nahi dieten gazteentzat

Hazilan Ekin

Trebatu enpresa bat martxan
jartzeko behar duzun horretan.

Urria-Abendua

Enpresa bat martxan jarri ahal izateko Enpresa Plan bat eta Bideragarritasun azterketa bat egin behar izaten dira aurrez. Enpresa Plan horretan, besteak beste, egitura juridikoa, funtzionamendua, fiskalitatea, prezio politika, egin beharreko inbertsioak edota diru-sarreren azterketa hartzen dira kontuan.

Formazioa: urriaren 3tik 7ra

Hori nola egin jakiteko astebeteko formazio saioa eskainiko da, paraleloan, zu zeu zure proiektua garatzen joan zaitezen. 25 ordu inguruko ikastaroa izango da, eta aste horretan goizeko ordutegian emango da Lehiberri Zentroan.

Enpresa Plana garatzea

Azken helburua izango da zuk zeuk zure Enpresa Plan erreala garatzea. Plan hori Lehiberri Zentroan bertan garatu beharko da, lanaldi osoz (45 ordu gutxi gora behera). Bitarte horretan tutoritza pertsonalizatua eskainiko duten adituak izango ditu eskura parte-hartzaileak, eta proiektuak martxan jarri dituzten ekintzaileei bisitak egingo zaizkie.