Zientzia, Teknologia, Ingeniaritza, Artea eta Matematika, diziplinartekotasunaren bidez eta sorkuntzarekin uztartuz, metodologia aktiboak erabiltzen dituen hezkuntza estrategia bat da. Ezagutza teorikoak praktikan aplikatzen dira, ingeniaritza erronkak edo arazo teknologikoak konpontzeari garrantzia emanez.

10-14 urte bitarteko gazteek aisialdi eskaintza izango dute. STEAM arloko hezitzaile baten laguntzarekin, zientzia eta teknologian oinarritutako jarduerak gauzatuko dituzte, proiektu erakargarriak osatuz: testu eta bloke bidezko programazioa landu, simulatzaile baten bidez soldatzen ikasi, robot kolaboratzaile bat akzioan ikusi, 3D inprimagailu bidezko inpresioan lehen urratsak eman, mekanika kutsuko maketa erreal bat sortu… Ikerlarien lanak ezagutu eta enpresak ere bisitatuko dituzte.

• Zientzia, Teknologia, Ingeniaritza, Matematika eta Artearen inguruan interesa piztea
• Etorkizuneko lan munduko egoeretara ohitzea, proiektuetan oinarrituz
• Maker filosofia: eginez ikastea, ekitea.
• Talde-lana eta parte-hartzea sustatzea, gaitasun sozial eta emozionalak garatuz.
• Sormena eta ikasteko grina garatzea.
• Pentsamendu zientifikoa eta konputazionala sustatzea.
• Euskarari eta euskal izaerari protagonismoa aitortzea.
• Generoaren ikuspegia erdigunean jartzea.
• Gizarteko erronkei aurre egiteko ahalduntzea.