Lurralde kudeaketa

Elkarlanean jarduten dugu eragile publiko-pribatuekin hainbat taldetan

/ Sailak / Turismoa / Lurralde kudeaketa

Eskualde mailan lankidetza publiko-pribaturako mahai iraunkor hauek ditugu.

Tolosaldeko Turismo Mahaia

Mahai tekniko aholku-emailea da, ez-erabakitzailea. Lankidetza publiko-pribaturako organoa da, turismo-garapen integralari lotutako proiektu eta ekimen zehatzak planifikatzeko, egikaritzeko, jarraitzeko eta ebaluatzeko. Proposamenak urteko gestio planean txertatu eta azken hitza, Tolosaldea Garatzeneko Batzar Orokorrak izango luke, gestio plana onartzean. Gutxienez urtean bitan biltzen da.

Tolosa Gourmet kluba

Tolosaldean Gastronomia Turismoa sustatzeko helburua du eta sektore pribatuaren parte-hartzea kudeatzeko tresna ere bada. Azpisketore ezberdinetako ordezkariek osaturiko kudeaketa mahai bat du gutxienez urtean bitan biltzen dena eta urtean behin biltzen den Batzar Orokor bat. 40 ekoizle, ostalari eta gozogile elkartzen ditu.

Eskualdez haragoko sare hauen parte ere bagara.

Euskadi Gastronomika

Tolosa Gourmeteko kideak, aldi berean, Euskadi Gastronomikako kideak ere badira. Basquetour Turismoaren Euskal Agentziak kalitate bermea duten ostalaritza establezimenduak bereizteko sortutako sarea da.

Euskadiko Familia turismo Produktu Kluba

Turismo sektoreko 165 enpresa biltzen dituen sarea da, Euskadiko Familia-Turismo Planeko estrategia eta akzioak modu bateratuan lantzen dituena. Tolosaldeko hainbat kidek hartzen dute parte: Topic Museoa, Bide-Bide Hotela, Txindokiko Itzala eta Larraitz-gain jatetxea.